झुंजार सेनापती l मुंबई : नवी मुंबई महानगरपालिकेच्या महापौरपदी भाजपच्या सुजाता पाटील तर उपमहापौरपदी दशरथ भगत यांची गुरुवारी बिनविरोध निवड झाली. शिवसेना (शिंदे गट) यांनी उमेदवारी अर्ज मागे घेतल्याने ही निवडणूक औपचारिक ठरली आणि भाजपचे दोन्ही उमेदवार कोणतीही चुरस न होता विजयी झाले. या निवडीमुळे नवी मुंबईच्या सत्ताकारणात भाजपची पकड अधिक मजबूत झाल्याचे चित्र स्पष्ट झाले आहे.
महापौर व उपमहापौर पदासाठी महानगरपालिकेत विशेष सभेचे आयोजन करण्यात आले होते. निवडणूक निर्णय अधिकाऱ्यांच्या उपस्थितीत अर्जांची छाननी करण्यात आली. विरोधकांकडून कोणताही वैध अर्ज शिल्लक न राहिल्याने सुजाता पाटील आणि दशरथ भगत यांची बिनविरोध निवड जाहीर करण्यात आली. सभागृहात भाजप पदाधिकारी व नगरसेवकांनी घोषणाबाजी करत जल्लोष केला.
नवी मुंबईवर भाजपचा झेंडा; सुजाता पाटील महापौर, तर उपमहापौरपदी दशरथ भगत
