झुंजार सेनापती | सोमनाथ पाटील
राज्य विधिमंडळाच्या अधिवेशनाच्या दुसऱ्या दिवशी मंत्रालयातील कथित लाचखोरी प्रकरणावरून विरोधी पक्षाने आक्रमक भूमिका घेत सभागृहाबाहेर जोरदार आंदोलन छेडले. कामकाज सुरू होण्यापूर्वीच विरोधी आमदारांनी सभागृहाच्या पायऱ्यांवर फलक हातात घेऊन सरकारविरोधात घोषणाबाजी केली.
“फाईल हलते, पैशाने मंत्रालय चालते”, “हप्त्याने भ्रष्टाचार”, “भ्रष्टाचाराला पाठीशी घालणाऱ्या सरकारचा धिक्कार असो”, “मंत्रालयात लक्ष्मीदर्शन – झिरवाळ राजीनामा द्या” अशा आशयाचे फलक यावेळी झळकवण्यात आले. मंत्रालयातील गैरप्रकारांची सखोल चौकशी करून संबंधितांवर कठोर कारवाई करावी, तसेच नैतिक जबाबदारी स्वीकारून झिरवाळ यांनी तत्काळ राजीनामा द्यावा, अशी ठाम मागणी विरोधकांनी केली.
आंदोलनात विधानसभेतील विरोधी पक्षनेते आमदार . विजय वडेट्टीवार, आमदार आ.सतेज पाटील यांच्यासह इतर विरोधी नेते सहभागी झाले होते.
मंत्रालयातील लाचखोरीवरून विरोधक आक्रमक
झिरवाळांच्या राजीनाम्यासाठी सभागृहाबाहेर ठिय्या
