शेत पाणंद रस्त्यांसाठी ११६ कोटींचा निधी

⬤ झुंजार सेनापती l मुंबई
मातोश्री ग्रामसमृद्धी शेत पाणंद रस्ते योजनेअंतर्गत पूर्ण झालेल्या कामांसाठी राज्य रोजगार हमी योजनेतून पूरक कुशल अनुदानापोटी ११६ कोटी रुपयांचा निधी वितरित करण्यात आला आहे. रोजगार हमी योजना मंत्री भरत गोगावले यांच्या निर्देशानुसार ही कार्यवाही करण्यात आली आहे.
दुष्काळी परिस्थिती आणि दिवाळीच्या पार्श्वभूमीवर ग्रामीण भागातील शेतकऱ्यांना या निधीमुळे मोठा दिलासा मिळणार आहे. शेतकऱ्यांच्या शेतीविषयक अडचणी दूर करण्यासह ग्रामीण भागातील पायाभूत सुविधांची कामे वेळेत पूर्ण व्हावीत, यासाठी निधी वितरणाची प्रक्रिया तातडीने पूर्ण करण्याचे निर्देश मंत्री गोगावले यांनी संबंधित यंत्रणेला दिले होते.
त्यानुसार शासनाने ११६ कोटी रुपयांचा निधी उपलब्ध करून दिला आहे. भविष्यातही निधी उपलब्ध होताच तो तातडीने वितरित करण्यात येईल, अशी ग्वाही मंत्री भरत गोगावले यांनी दिली. दुष्काळी परिस्थितीत शासन शेतकऱ्यांच्या पाठीशी खंबीरपणे उभे असून, ग्रामीण विकासकामे थांबणार नाहीत, असा विश्वासही त्यांनी व्यक्त केला. यावेळी त्यांनी शेतकऱ्यांना दिवाळीच्या शुभेच्छा दिल्या.