⬤ झुंजार सेनापती l मुंबई
दैनिक झुंजार सेनापतीचे संपादक सोमनाथ पाटील यांच्या तांदळवाडी घाट येथील घरी १८ ऑक्टोबर रोजी रात्री सरपंचाच्या गुंडा कडून हल्ला करण्यात आला आहे. नेकनूर पोलिसांनी घटनास्थळी भेट देत दोन आरोपींविरुद्ध अदखलपात्र नोंद केली आहे. या घटनेशी संबंधित व्हिडिओ पोलीस अधीक्षक, बीड यांना दाखवून सखोल चौकशीची मागणी करणार असल्याचे पाटील यांनी सांगितले.
“जनतेचे प्रश्न मांडणे हा गुन्हा नाही! हल्ले किंवा धमक्यांना घाबरून माझी लेखणी थांबणार नाही. आरोपींवर कायद्यानुसार कारवाई होईपर्यंत आणि न्याय मिळेपर्यंत हा लढा अधिक तीव्र करणार,” असा इशारा संपादक सोमनाथ पाटील यांनी दिला.