spot_img

एसटी महामंडळाला दररोज दीड कोटींचा फटका

प्रवासी वाढले तूट कायम

झुंजार सेनापती l मुंबई 

महिलांसाठी ५० टक्के तिकिट सवलत आणि ७५ वर्षांवरीील ज्येष्ठ नागरिकांना मोफत प्रवास या योजनांमुळे एसटीकडे प्रवाशांचा ओघ वाढला असला, तरी आर्थिक तुटीचे संकट मात्र कायम आहे. सध्या एसटी महामंडळाला दररोज सुमारे १ ते १.५ कोटी रुपयांचा तोटा सहन करावा लागत असल्याची माहिती समोर आली आहे.
कोरोना काळानंतर एसटीची घडी अजूनही पूर्णपणे सावरलेली नाही. कोरोना पूर्व काळात एसटीकडे १८ ते १९ हजार बसेस होत्या; मात्र सध्या ही संख्या घटून सुमारे १२,६०० वर आली आहे. गेल्या चार-पाच वर्षांत कोरोना संकट आणि कर्मचाऱ्यांच्या दीर्घकालीन संपामुळे नवीन बस खरेदी रखडली. परिणामी, ग्रामीण व दुर्गम भागात फेऱ्या कमी झाल्या आणि उत्पन्नावर परिणाम झाला.
राज्य सरकारने महिलांना अर्ध्या दरात प्रवास आणि ७५ वर्षांवरील ज्येष्ठांना मोफत प्रवास योजना लागू केल्यानंतर प्रवासी संख्या वाढू लागली. मात्र, वाढत्या प्रवाशांना पुरेशा बसेस उपलब्ध नसल्याने महसुलात अपेक्षित वाढ होत नाही. सवलतींचा भार आणि इंधनदरवाढ यामुळे आर्थिक ताण कायम आहे.

Related Articles

मुख्यमंत्री मत्स्यसंपदा योजनेच्या १,२४० कोटींचा लाभ मच्छिमारांपर्यंत पोहोचवा!

⬤ झुंजार सेनापती l मुंबई मुख्यमंत्री मत्स्यसंपदा योजनेअंतर्गत समाविष्ट असलेल्या जिल्हास्तरीय २२ योजनांची प्रभावी आणि प्राधान्याने अंमलबजावणी करण्यासाठी शासनाने प्रशासकीय हालचालींना वेग दिला आहे....

दुष्काळात रोजगाराची मागणी करणाऱ्या प्रत्येक पात्र कुटुंबाला काम द्या!

⬤ झुंजार सेनापती l मुंबई राज्यातील दुष्काळी परिस्थितीचे गांभीर्य लक्षात घेऊन रोजगार हमी योजना आणि ‘व्हीबी जी राम जी’ अंतर्गत रोजगारनिर्मितीची कामे सर्व स्तरांवर...

ताज्या बातम्या

error: Content is protected !!