spot_img

पाटबंधारे विभागाच्या निर्णयाविरोधात मच्छीमार आक्रमक

धरणे आंदोलन छेडण्याचा इशारा

झुंजार सेनापती l मुंबई 

गोदावरी व कृष्णा खोरे विकास महामंडळ यांच्या अखत्यारीतील विविध तलावांचे मत्स्य ठेके रद्द करण्याचा आदेश नुकताच जारी करण्यात आला आहे. या निर्णयाविरोधात मराठवाड्यातील नोंदणीकृत मच्छीमार सहकारी संस्था आक्रमक झाल्या असून, एकत्रित लढा उभारण्याचा इशारा देण्यात आला आहे.
मराठवाडा पाटबंधारे विभागाने काढलेला हा आदेश तत्काळ मागे घ्यावा आणि तलावांचे मत्स्य ठेके पूर्वीप्रमाणे मत्स्य व्यवसाय खात्याकडेच कायम ठेवावेत, अशी मागणी संस्थांनी केली आहे. या संदर्भात विभागीय आयुक्तांना निवेदन देण्यात आले असून, मागण्या मान्य न झाल्यास धरणे आंदोलन छेडण्यात येईल, असा इशाराही देण्यात आला आहे.
संघटनेचे रत्नाकर मेंढरे, पन्नालाल बिरुटे, नीलेश लेहरे, तुकाराम वानखेडे,शफिक शेख यांनी संयुक्त निवेदनाद्वारे सांगितले की, या निर्णयामुळे हजारो मच्छीमार कुटुंबांच्या उपजीविकेवर परिणाम होणार आहे. शासनाने तत्काळ हस्तक्षेप करून हा निर्णय मागे घ्यावा, अन्यथा तीव्र आंदोलन उभारले जाईल असा इशारा देण्यात आला आहे.

Related Articles

मुख्यमंत्री मत्स्यसंपदा योजनेच्या १,२४० कोटींचा लाभ मच्छिमारांपर्यंत पोहोचवा!

⬤ झुंजार सेनापती l मुंबई मुख्यमंत्री मत्स्यसंपदा योजनेअंतर्गत समाविष्ट असलेल्या जिल्हास्तरीय २२ योजनांची प्रभावी आणि प्राधान्याने अंमलबजावणी करण्यासाठी शासनाने प्रशासकीय हालचालींना वेग दिला आहे....

दुष्काळात रोजगाराची मागणी करणाऱ्या प्रत्येक पात्र कुटुंबाला काम द्या!

⬤ झुंजार सेनापती l मुंबई राज्यातील दुष्काळी परिस्थितीचे गांभीर्य लक्षात घेऊन रोजगार हमी योजना आणि ‘व्हीबी जी राम जी’ अंतर्गत रोजगारनिर्मितीची कामे सर्व स्तरांवर...

ताज्या बातम्या

error: Content is protected !!