spot_img

बालाघाटावरील अपर तहसील कार्यालयाचा वाद पेटणार

झुंजार सेनापती | मुंबई | प्रतिनिधी
बीड तालुक्यातील चौसाळा येथे अपर तहसील कार्यालय सुरू व्हावे यासाठी आमदार संदीप क्षिरसागर यांनी महसूल मंत्री चंद्रशेखर बावनकुळे यांची भेट घेऊन निवेदन दिले आहे.
बीड शहरापासून चौसाळा सुमारे ४० किमी अंतरावर असल्याने नागरिकांना शासकीय कामांसाठी वारंवार बीडला जावे लागते, त्यामुळे वेळ व खर्च वाढत असल्याची बाब त्यांनी मांडली. चौसाळा येथे तातडीने अपर तहसील कार्यालय सुरू करावे, अशी मागणी त्यांनी मंत्री बावनकुळे यांच्याकडे केली आहे.
दरम्यान, नेकनुर येथे अपर तहसील कार्यालय मंजूर झाल्याचे पत्र समाजमाध्यमांवर व्हायरल होत असून स्थानिक नेते याबाबत दावा करत आहेत. त्यामुळे बीड तालुक्यात अपर तहसील कार्यालय नेमके कुठे सुरू होणार  नेकनुर की चौसाळा  यावरून वाद पेटण्याची चिन्हे दिसत आहेत.
दोन्ही गावांतील नागरिक व पदाधिकारी आपापल्या बाजूने ठोस भूमिका मांडत आहेत. अंतर, भौगोलिक सोय, लोकसंख्या, महसूल उत्पन्न, बाजारपेठ, मुख्य पोलीस स्टेशन व दळणवळण सुविधा या मुद्द्यांवरून समर्थक आपले दावे भक्कम असल्याचे सांगत आहेत.
या प्रश्नावर स्थानिक राजकारण तापू लागले असून आंदोलन, निवेदने आणि बैठकींची शक्यता वाढली आहे. शासनाने वस्तुनिष्ठ निकषांवर निर्णय घ्यावा, अशी मागणी दोन्ही बाजूंनी होत आहे. अपर तहसील कार्यालयाचा निर्णय हा आता केवळ प्रशासकीय विषय न राहता स्थानिक अस्मिता आणि राजकीय प्रतिष्ठेचा प्रश्न बनू लागल्याचे चित्र आहे.

Related Articles

मुख्यमंत्री मत्स्यसंपदा योजनेच्या १,२४० कोटींचा लाभ मच्छिमारांपर्यंत पोहोचवा!

⬤ झुंजार सेनापती l मुंबई मुख्यमंत्री मत्स्यसंपदा योजनेअंतर्गत समाविष्ट असलेल्या जिल्हास्तरीय २२ योजनांची प्रभावी आणि प्राधान्याने अंमलबजावणी करण्यासाठी शासनाने प्रशासकीय हालचालींना वेग दिला आहे....

दुष्काळात रोजगाराची मागणी करणाऱ्या प्रत्येक पात्र कुटुंबाला काम द्या!

⬤ झुंजार सेनापती l मुंबई राज्यातील दुष्काळी परिस्थितीचे गांभीर्य लक्षात घेऊन रोजगार हमी योजना आणि ‘व्हीबी जी राम जी’ अंतर्गत रोजगारनिर्मितीची कामे सर्व स्तरांवर...

ताज्या बातम्या

error: Content is protected !!