spot_img

मुंबई-अहमदाबाद महामार्गावर भीषण अपघात; आंतरराष्ट्रीय नेमबाज संभाजी पाटील काळाच्या पडद्याआड

झुंजार सेनापती l मुंबई
मुंबई–अहमदाबाद राष्ट्रीय महामार्गावर पालघर तालुक्यात आज सकाळी भीषण अपघात झाला. भरधाव फॉर्च्युनर कारने ट्रकला दिलेल्या जोरदार धडकेत आंतरराष्ट्रीय कीर्तीचे नेमबाज संभाजी शिवाजी झणझण पाटील (वय २७) यांचा जागीच मृत्यू झाला, तर त्यांचे सहकारी प्रणय प्रशांत चौधरी (वय २२) गंभीर जखमी झाले आहेत.
पोलिसांनी दिलेल्या माहितीनुसार, पाटील आणि चौधरी पुण्याहून गुजरातकडे जात होते. सकाळी सुमारे १० वाजण्याच्या सुमारास मनोरजवळील दुर्वेश गावाच्या हद्दीत चौधरी कार चालवत असताना भरधाव वेगात वाहन एका मार्गिकेतून दुसऱ्या मार्गिकेत नेताना समोरून येणाऱ्या हायवा ट्रकचा अंदाज न आल्याने भीषण धडक झाली. अपघात इतका भीषण होता की आलिशान कारचा पुढील भाग अक्षरशः चेंदामेंदा झाला.
अपघातानंतर महामार्ग पोलिस आणि मनोर पोलिसांनी तात्काळ घटनास्थळी धाव घेत जखमींना रुग्णालयात हलवले. वैद्यकीय अधिकाऱ्यांनी संभाजी पाटील यांना तपासून मृत घोषित केले. प्रणय चौधरी यांच्यावर उपचार सुरू आहेत.
संभाजी पाटील हे बालेवाडी क्रीडा संकुलात क्रीडा अधिकारी म्हणून कार्यरत होते. त्यांच्या मृतदेहाचे शवविच्छेदन करण्यात आले असून पार्थिव नातेवाईकांच्या ताब्यात देण्यात आले आहे. त्यांच्यावर छत्रपती संभाजीनगर येथील मूळ गावी अंत्यसंस्कार करण्यात येणार असल्याची माहिती मनोर पोलिसांनी दिली.

Related Articles

मुख्यमंत्री मत्स्यसंपदा योजनेच्या १,२४० कोटींचा लाभ मच्छिमारांपर्यंत पोहोचवा!

⬤ झुंजार सेनापती l मुंबई मुख्यमंत्री मत्स्यसंपदा योजनेअंतर्गत समाविष्ट असलेल्या जिल्हास्तरीय २२ योजनांची प्रभावी आणि प्राधान्याने अंमलबजावणी करण्यासाठी शासनाने प्रशासकीय हालचालींना वेग दिला आहे....

दुष्काळात रोजगाराची मागणी करणाऱ्या प्रत्येक पात्र कुटुंबाला काम द्या!

⬤ झुंजार सेनापती l मुंबई राज्यातील दुष्काळी परिस्थितीचे गांभीर्य लक्षात घेऊन रोजगार हमी योजना आणि ‘व्हीबी जी राम जी’ अंतर्गत रोजगारनिर्मितीची कामे सर्व स्तरांवर...

ताज्या बातम्या

error: Content is protected !!