⬤ झुंजार सेनापती l सातारा
ज्येष्ठ नेते शरद पवार यांची रयत शिक्षण संस्थेच्या अध्यक्षपदी पुन्हा एकदा बिनविरोध निवड करण्यात आली आहे. २०२६ ते २०२९ या तीन वर्षांच्या कालावधीत ते संस्थेचे अध्यक्ष म्हणून कार्यभार सांभाळणार आहेत.
राज्यसभेची शपथ घेतल्यानंतर काही काळ प्रकृती अस्वास्थ्यामुळे शरद पवार सार्वजनिक कार्यक्रमांपासून दूर होते. मात्र साताऱ्यातील कार्यक्रमातून त्यांनी पुन्हा सक्रिय सामाजिक व राजकीय कामकाजाला सुरुवात केली आहे.
अध्यक्षपदाच्या निवडीसाठी केवळ एकच अर्ज प्राप्त झाल्याने शरद पवार यांची बिनविरोध निवड जाहीर करण्यात आली. त्यांच्या निवडीमुळे संस्थेच्या शैक्षणिक कार्याला अधिक बळ मिळणार असल्याची भावना पदाधिकारी व कार्यकर्त्यांकडून व्यक्त करण्यात येत आहे.