झुंजार सेनापती l मुंबई
आखाती देशांतील युद्धामुळे निर्माण झालेल्या गॅस तुटवड्याचा परिणाम आता मद्य उद्योगावरही दिसून येत आहे. काचेच्या बाटल्या तयार करण्यात मोठ्या अडचणी निर्माण झाल्याने मद्यनिर्मितीवर थेट परिणाम झाला आहे. सध्या केवळ पंधरा दिवस पुरेल इतकाच साठा शिल्लक असल्याने दारू पुरवठ्यावर मोठा परिणाम होण्याची शक्यता व्यक्त केली जात आहे.
काचेच्या बाटल्यांसह अॅल्युमिनियमच्या तुटवड्यामुळे बीअर पॅकिंगसाठी लागणाऱ्या कॅन्सचाही तुटवडा निर्माण होण्याची चिन्हे आहेत. त्यामुळे कडक उन्हाळ्यात मोठ्या प्रमाणात मागणी असलेली बीअरही मिळणे कठीण होणार असल्याचे स्पष्ट होत आहे.
जर काचेच्या बाटल्यांचे उत्पादन ठप्प झाले, तर मद्य भरण्याची प्रक्रिया अडचणीत येऊन एकूणच मद्य पुरवठा साखळीवर गंभीर परिणाम होण्याची शक्यता निर्माण झाली आहे.
गॅस टंचाईमुळे मद्य उद्योग संकटात
