झुंजार सेनापती l प्रतिनिधी l बीड
केज तालुक्यातील एका गावात नातेसंबंधांना काळिमा फासणारी धक्कादायक घटना समोर आली आहे. सावत्र आई आणि मुलगा एकमेकांच्या प्रेमात पडून घरातून फरार झाल्याने परिसरात मोठी खळबळ उडाली आहे.
मिळालेल्या माहितीनुसार, संबंधित व्यक्तीला दोन मुले आणि दोन मुली असून मुलींची लग्ने झाली आहेत. पती-पत्नीतील वादामुळे पहिली पत्नी मागील १५ वर्षांपासून वेगळी राहत होती. दोन्ही मुले वडिलांसोबत राहून शेती करत होती.
चार वर्षांपूर्वी त्या इसमाने एका परित्यक्ता महिलेसोबत दुसरे लग्न केले. त्यानंतर ही महिला आणि पतीची मुले एकत्र राहत होती. मात्र १२ एप्रिल रोजी पती मुंबई येथे देवदर्शनासाठी गेल्यानंतर, १५ एप्रिल रोजी सावत्र आई आणि मुलगा एकत्र फरार झाल्याची घटना उघडकीस आली.
या प्रकरणी पतीने केज पोलीस ठाण्यात तक्रार दाखल केली असून, सहाय्यक पोलीस उपनिरीक्षक बाबासाहेब बांगर पुढील तपास करत आहेत.
नात्याला काळिमा! सावत्र आई मुलासोबत पळाली
