spot_img

मुंबईत सत्तेचा नवा फॉर्म्युला; दर सव्वा वर्षांनी महापौर बदलणार

काँग्रेसमधून भाजपात आलेल्या रितू तावडे होणार महापौर

मुंबई  l झुंजार सेनापती

देशातील सर्वात श्रीमंत महापालिका म्हणून ओळखल्या जाणाऱ्या मुंबई महानगरपालिकेत महापौर आणि उपमहापौर पदासाठी महायुतीने अनोखा फॉर्म्युला राबवला आहे. दर सव्वा वर्षांनी महापौर बदलण्याचा निर्णय घेण्यात आला असून काँग्रेसमधून भाजपात आलेल्या रितू तावडे यांची महापौरपदासाठी निवड निश्चित करण्यात आली आहे. उपमहापौरपदी संजय घाडी यांचे नाव जाहीर झाले आहे.
महापौर-उपमहापौर निवडीची औपचारिक घोषणा ११ फेब्रुवारी रोजी होणार असून १६ फेब्रुवारीला विरोधी पक्षनेत्याची निवड होईल. त्यानंतर शिक्षण समिती व स्थायी समिती अध्यक्षांची निवड केली जाणार आहे.
महायुतीच्या नेत्यांची सकाळी बैठक पार पडली. भाजपाकडून मंगलप्रभात लोढा, अमित साटम तर शिंदे सेनेकडून शीतल म्हात्रे यांसह प्रमुख नेते उपस्थित होते. बैठकीनंतर उमेदवारीची घोषणा करण्यात आली. मातोश्रीवर झालेल्या बैठकीनंतर किशोरी पेडणेकर यांनी प्रतिक्रिया देताना मराठी महापौर दिल्यामुळे आम्ही कोणताही अपशकून करणार नाही, असे सांगितले.
दरम्यान, शिंदे सेनेत नाराजीचे सूर उमटल्याची चर्चा आहे. काही पदाधिकाऱ्यांना विश्वासात न घेतल्याची खदखद व्यक्त होत असून या नाराजीवर उपमुख्यमंत्री एकनाथ शिंदे स्वतः लक्ष घालत असल्याची माहिती आहे.
५३ वर्षीय रितू तावडे या मराठा समाजातून निवडून आलेल्या भाजपाच्या युवा महिला नेत्या म्हणून ओळखल्या जातात. त्यांची नगरसेवक म्हणून ही दुसरी टर्म आहे. यापूर्वी त्या शिक्षण समिती अध्यक्ष तसेच मुंबई उपनगरे स्थापत्य समितीच्या उपाध्यक्षा म्हणून कार्यरत होत्या.

Related Articles

पशुधनासाठी चारा लागवडीला शासनाचे प्रोत्साहन; सात नवीन चारा पिकांचा योजनेत समावेश!

⬤ झुंजार सेनापती l मुंबई  राज्यातील दुष्काळी परिस्थितीत पशुधनासाठी चाऱ्याची उपलब्धता वाढविण्याच्या उद्देशाने शासनाने महत्त्वपूर्ण निर्णय घेतला आहे. ‘व्हीबी जी राम जी’ योजनेंतर्गत वैयक्तिक तसेच...

विद्यार्थ्यांसाठी महत्त्वाची बातमी; आधार व स्वयंम योजनांचे नूतनीकरण सुरू!

⬤ झुंजार सेनापती l मुंबई मुंबई शहर, उपनगर जिल्ह्यातील ‘ज्ञानज्योती सावित्रीबाई फुले आधार योजना’ आणि ‘पंडित दीनदयाळ उपाध्याय स्वयंम योजना’ यांचा लाभ घेणाऱ्या विद्यमान विद्यार्थ्यांनी...

ताज्या बातम्या

error: Content is protected !!